Sot në Tirannë nis procesi i vaksinimit masiv, me dy tenda të ngritura në Sheshin Skënderbej. Kjo u mundësua falë sigurimit të mbi 1 milion vaksinave kineze Sinovac, marrë nga Turqia
Objektivi i Ministrisë së Shëndetësisë është që të arrihet deri në 10-15 mijë vaksinime në ditë.
Nisja e vaksinimit masiv pritet që të plotësojë planin ambicioz për të mbyllur vaksinimin në 14 muaj.
Me këtë rast, kryeministri Rama shkroi:
“Kjo kohë që po e lëmë pas ishte tejet e vështirë, por ne nuk jemi nga ata që dorëzohen jo.
I siguruam vaksinat kundër të gjitha parashikimeve, për pak muaj kjo vuajtje do të mbarojë. Shqipëria këtë verë do të presë turistë nga e gjitha bota.
Hotelet, baret e restorantet, klubet, edhe në majë të malit do të jenë të hapura, pa orare kufizuese. Do të kthehemi përsëri në jetën tonë të dëshiruar dhe do të vazhdojmë me forcë e me shpejtësi përpara.
Kemi kaq shumë punë për të çuar deri në fund, e plot të mira e gëzime për të ndarë me njëri tjetrin. Shqipëria është e ardhmja jonë!”. /tesheshi.com/
