Shitja rekord e brazilianit Nejmar nga Barcelona tek PSG për 220 milion euro, është pjesë e një skenari të parapërgatitur. Kështu shkruan spanjollja “Diario Gol”, e cila përpiqet të jetë mendjembushëse për vërtetësinë e lajmit.
Sipas kësaj gazete, largimi i Nejmar tek PSG ka për “regjisor” presidentin e Realit të Madridit, Florentino Perez, i cili do ta marrë brazilianin tek ekipi i tij. Për argument “Diario Gol” merr faktin se babai i Nejmar është tifoz i vjetër i Realit, si edhe kontakti që ai ka pasur me presidentin madrilen.
Pra, meqë Nejmar nuk mund të shitej direkt nga Barcelona tek Real, pasi do akuzohej “për tradhëti të lartë”, është gjetur mënyra që ai të kalojë tek parizienët për të luajtur pak vite, për tu rikthyer në Spanjë tek Los Blankos, e për të marrë rolin e protagonistit, pasi edhe Kristiano Ronaldo do ta kishte mbyllur me madrilenët.
E pa Ronaldon e Mesin (të dy do të ishin 35 e 34 vjeç), ose me ata ende në aktivitet, por në fund të karrierës, Nejmar do të “pushtonte botën”, qoftë në aspektin personal, qoftë në atë ekipor. Në fakt në këtë “skenar” nuk ka asgjë që nuk i qëndron logjikës. Por a është realisht një plan, apo një “fiction”, kjo mbetet për t’u vërtetuar. /tesheshi.com/
