Presidenti Meta, në një dalje të radhës para medias i mëshoi sërish 13 Tetorit të tij si datë kur duhej të zhvilloheshin zgjedhjet lokale, mundësisht edhe parlamentare e presidenciale.
“Jam 1000% i bindur që zgjedhje të ligjshme janë ato të 13 Tetorit, kush ka dëshirë të regjistrohet, kush ka dëshirë të mos regjistrohet, të dalë me spektatorët. Edhe opozita ta ketë të qartë që nuk mund të rrijë larg nga problemet dhe të mjaftohet vetëm me denoncimet.
Ne zgjedhje daneze nuk mund të presim”, tha Meta, duke kërkuar kështu nga Basha që të vijojë më kushtin e tij për zgjedhje pa Ramën.
Meta sërish ofroi si argument negociatat, që sipas tij nuk do hapeshin nëse nuk do kishte zgjedhje më 13 tetor.
“Për çështjet e integrimit mos u lodhni të pyesni asnjë ambasador t’u thotë të vërtetën, atë më mirë se te unë, që kam 30 vite që merren, nuk e di asnjë më mirë”, theksoi kreu i shtetit. /tesheshi.com/
