Kryeministri i Maqedonisë Veriore Zoran Zaev tha vendi i tij do të marrë një “dritë jeshile” këtë verë, në qershor apo korrik, për të hapur negociatat me Bashkimin Evropian.
Çdo lëvizje që mund të ndodhë, kurrë nuk do të jetë për shkak të Maqedonisë së Veriut apo ndonjë arsye tjetër, por vetëm për shkak të zgjedhjeve që mbahen për Parlamentin Europian tani në maj – komentoi Zaev, duke qëndruar në të njëjtën pozitë si Tirana zyrtare. Për Shqipërinë, është thënë se në shtator do ketë datë për hapjen e negociatave.
Zaev u shpreh krenar për faktin se ishte pikërisht marrëveshja me Greqinë ajo që hapi rrugën e integrimit në BE.
“Vendi duhet të jetë krenar për atë që është theksuar si shembull, për zgjidhjen e kontestit me Greqinë, në modelin e të cilit duhet ta ndjekin dhe të tjerë në rajon”, tha Zaev. /tesheshi.com/
