Fakti që ende nuk ka një vendim për Shqipërinë për çeljen e negociatave me Bashkimin Europian, nuk do të thotë që është një tallje me Shqipërinë, tha Komisioneri për Zgjerim Oliver Varhelyi, gjatë një konference për median në Tiranë, së bashku me kryeministrin Rama
Sipas tij, duhet bërë pak durim.
“Duhet që të përdorim gjithçka kemi në dorë, të stabilizojmë Ballkanin Perëndimor. I gjithë procesi i integrimit ka të bëjë me sigurinë dhe stabilitetin e Ballkanit Perëndimor. Prandaj nuk mund t’i jap aspak kohë atyre që janë të përfshirë që të mos bëjnë atë që duhet bërë.
Këtë vendim duhet ta marrim në tryezë. E vlerësojmë shumë durimin e Shqipërisë. Kërkoj pak më shumë durim nga ana juaj. Synimi është që kjo të arrihet gjatë presidencës franceze”, tha Varhely.
Ai e nisi vizitën e tij në institucionet e vetingut ku rifkonfirmoi mbështetjen e plotë të Bashkimit Europian për Reformën në Drejtësi.
“E nisa vizitën time me një shkëmbim të mirë me institucionet e vettingut dhe IMO sot në Tiranë. Rikonfirmoj mbështetjen e plotë dhe të fortë të BE-së. Integriteti i gjyqtarëve dhe prokurorëve është çelësi për të ardhmen e europiane të Shqipërisë. Sulmi ndaj organeve të vettingut dhe anëtarëve apo familjeve të tyre duhet të ndalet”, shkroi Varhei Twitter. /tesheshi.com/
