Të mërkurën me 1 qershor, në Zvicër pritet të hapet tuneli më i gjatë në botë, i quajtur Gotthard, i cili do të kalojë përmes zemrës së alpeve zvicerane dhe do të lidhë kantonin qendror Uri me jugun e vendit.
Tuneli ka gjatësi prej 57 kilometra, ka kushtuar afër 12 miliard franka zvicerane, kurse në ndërtimin e saj kanë punuar 2.400 punëtorë.
Tani udhëtimi me tren, nga Zyrihu deri në Milano do të zgjasë vetëm dy orë dhe 40 minuta.
Gotthard në këtë mënyrë do të kalojë tunelin japonez Seikan, i cili me 53,9 kilometra, deri më tani ka qenë tuneli më i shpejtë deri më tani.
Hapja zyrtare e tunelit është e paraparë me 1 qershor, dhe përpos zyrtarëve zviceranë, pritet të marrin pjesë edhe presidenti francez Francois Hollande, kancelarja gjermane Angela Merkel dhe kryeministri italian Matteo Renzi.
Shfrytëzimi i plotë i tunelit pritet të fillojë në dhjetor të këtij viti, njofton AFP.
Për t’u ndërtuar ky tunel, janë gërmuar mbi 28 milion tonë mur.
Ndërtimi zyrtarisht ka filluar në vitin 1999, por ka pasur probleme burokratike dhe financiare, për shkak të shqetësimeve për qëndrueshmërinë e këtij projekti.
Qytetarët e Zvicrës më në fund, në referendumin e vitit 1998 kanë votuar për ndërtimin e tunelit, përfshirë këtu edhe ngritjen e taksës rrugore, me qëllim që të funksionojë ndërtimi i tunelit. /tesheshi.com/
