Organizatat jo-qeveritare, IKD, INPO dhe GLPS njoftojnë se në Shtërpcë, në vendvotimin 2306D/03D është bërë fotografimi i votës.
Personi me inicialet S.S që i takon komunitetit serb, në qendrën e votimit 3, në Jazhincë, përkatësisht shkollën fillore “Sarski Odret”, ka bërë fotografimin e votës në orën 07:40.
I njëjti në orën 08:30 është marrë nga policia, dhe me urdhër të prokurorit është duke u intervistuar.
Organizatat IKD, GLPS dhe INPO kanë akredituar 65 monitorues mobil, të cilët do të jenë në lëvizje të vazhdueshme në 38 komunat e Kosovës për të raportuar për performancën e institucioneve të drejtësisë, për të gjitha rastet eventuale ku mund të rrezikohet kryerja e veprave penale kundër të drejtave të votimit. /tesheshi.com/
