Banorë të fshatit Shkopet në Mat, nuk po munden të gëzojnë një urë, këmbët e së cilës rrijnë ngrehur nën dhe mbi ujë, por që nuk vlejnë ende për asgjë, derisa nuk shërbejnë për asgjë. Kështu që banorët i janë drejtuar trapit për ndihmë.
Me të po i zgjidhin problemet e përditshmërisë, nevojën për të kaluar nga një cep i bregut në cepin tjetër.
Trapi ka zëvëndësuar urën në fshatin Shkopet dhe kjo po i ndihmon banorët për të kaluar nga njëra anë në tjetrën.
Trapi është shpikje e një fshatari të atyshëm, që e përdor i biri, Sandri, për të cilët banorët lëshojnë parreshtur bekime, si përshembull të tipit “iu bëftë dita njëmijë!”
Sigurisht që ata e kanë zgjidhur njëfarësoj hallin e ekzistencës së tyre me këtë trap, por ama ankthi mbetet, sidomos në kohë jo të mirë, tani që afron vjeshta e dimri, ku mund të ndodhë t`u rrezikohet jeta.
Banorët thonë se në kohë fushatë kanë marrë premtime nga pushtetarë se ura do të bëhet, por sicc ndodh në të tilla raste, ccdo gjë harrohet.
Ata vuajnë kur shohin se gjysma e urës ka përfunduar, me këmbët gati, por që nuk e gëzojnë dot.
Hedhin parreshtur mallkime ndaj shtetit që nuk u plotëson dot nevojën e tyre elementare, sidomos tani që po ua shtrëngon rripin për të paguar detyrimet fiskale një më një.
“Duhet t`i bësh hall vetes”, të thonë, duke shtuar se po qe për shtetin, të lë të vdesësh.
Ja pra se trapi është bërë shpëtimtari i tyre. Ndaj dhe thonë parreshtur: “na rroftë trapi!”
Përgatiti: Ahmet Zani – tesheshi.com
