Një shpatë e lashtë e njohur si versioni francez i “Excalibur”-it legjendar të Mbretit Arthur është zhdukur në mënyrë misterioze nga qyteti ku, sipas historisë lokale, kishte mbetur në një shkëmb për 1300 vjet.
Shpata Durandal u hoq nga guri i saj në qytetin e vogël mesjetar Rocamadour, ku ishte një nga atraksionet kryesore të qytetit jugor francez, raportoi The Telegraph.Për shekuj besohej se shpata dikur i përkiste Rolandit, një kalorësi legjendar që luftoi për Karlin e Madh, mbretin e Frankëve, në shekullin e tetë.
Zyrtarët e komunitetit francez në departamentin e Lot, në rajonin administrativ të Occitania-s, nisën një hetim për zhdukjen e shpatës, e cila u hoq nga pozicioni i saj në një mur shkëmbi rreth 30 metra nga toka.
Durandal ishte një shpatë e pathyeshme dhe më e mprehta në botë, e aftë të presë gurin me një goditje të vetme, sipas legjendës. Vetitë magjike të shpatës u përshkruan në poemën epike të shekullit të 11-të “Kënga e Rolandit”.
Policia po përpiqet të përcaktojë se si dikush mund të ishte ngjitur në shkëmbin 30 metra për të kapur shpatën. /tesheshi.com/
