Sigurisht, ky nuk është një PlayStation i zakonshëm, por një model Golden Rock që është i mbuluar me ar 18 karat.
Konzolla e artë shoqërohet nga një kontrollues luksoz i bërë me lëkurë krokodili. Lodra shitet nga kompania Caviar për të pasurit dhe ka 1342 njerëz në listën e tyre të pritjes, të gatshëm të japin gjysmë milioni dollarë për një pajisje për të luajtur lojëra video.
Lista, sipas GSM Arena, përfshin (akoma) basketbollistin më të mirë në botë, LeBron James, dhe një biznesmen të njohur rus, si dhe një sipërmarrës po aq të famshëm amerikan nga industria e IT.
Emrat e tyre nuk janë bërë të ditur, megjithatë.
Për ata që duan një PlayStation luksoz, dhe 500,000 dollarë janë shumë për ta, Caviar ka përgatitur edhe versione më të lira.
Kështu, për 8,140 dollarë, është në dispozicion një pllakë e veshur me lëkurë aligatori, ndërsa për vetëm 5,830 dollarë, mund të blini modelin Carbon, të bërë nga fibra karboni.
Ose, nëse nuk ju pëlqen vërtet luksi, mund të blini të njëjtat modele, vetëm pa ar ose lëkurë krokodili, për 400 ose 500 dollarë – sapo ato të rishfaqen në dyqane. /tesheshi.com/
