Polonia ka ca prej ligjeve më të ashpra në Europë për abortin, por tani po shqyrtohet mundësia e ndalimit të plotë të tij.
Nisma për ndalimin tërësor të abortit është nxitur nga ipeshkvijtë e Kishës Katolike dhe nga politikanë të niveleve të larta. Partia në pushtet, Ligj dhe Drejtësi, ka lidhje të ngushta me Kishën.
Legjislacioni përkatës është përgatitur nga një grup ligjor konservator, Ordo Iuris, dhe është mbështetur nga Konferenca e Ipeshkvisë Polake.
Kryeministrja e Polonisë, Beata Szydlo, nuık e ka kursyer po ashtu përkrahjen për ndalimin e plotë të abortit, duke deklaruar se shumë anëtarë të partisë së saj ndajnë të njëjtin mendim.
Ligjet në veprim të abortit në Poloni e lejojnë abortimin në raste përdhunimi apo incesti, apo nëse fëmija do të lindë tejet i sëmurë.
Propozimet e reja parashikojnë që aborti të jetë i paligjshëm edhe në rastet e përdhunimit, ose kur fetusi ka një problem të rëndë shëndetësor. /tesheshi.com/
