35 milionë dollar janë gjendur në rrugët e Tokios për një vit. Shifra është dhënë nga Kyodo, policia e kryeqytetit japonez. Sipas saj, në 2107-ën banorët e atyshëm kanë gjetur afro 3,75 miliardë jenë (35,3 milionë dollarë) të cilat i kanë dorëzuar në polici.
Nga kjo shumë, 25 milionë dollarë iu janë rikthyer të zotëve, 4,77 milionë dollarë iu janë dhënë atyre që i kanë sjellë paratë, ndërsa afro 4,5 milionë dollarë kanë hyrë në arkën e bashkisë së qytetit.
Në Japoni, si rregull, atyre të cilët kanë gjetur para dhe i kanë dorëzuar në polici u takon 20 për qind e shumës si shpërblim nga i zoti. E nëse ndodh që brenda 3 muajve nga dorëzimi i parave nuk paraqitet zoti, atëherë paratë i takojnë personit që i ka gjetur ato.
Nëse nuk paraqitet as i zoti e as personi që ka gjetur nuk dëshiron t’i marrë paratë e gjetura, atëherë këto para përfshihen në të ardhurat publike lokale. /tesheshi.com/
