Davida Jushi është një juriste e njohur në Laç e cila ushtron profesionin e avokates.
Por së fundi, ajo është shndërruar edhe në edukatore nga pasioni i madh human për t’u marrë me fëmijët, sidomos me edukimin e tyre, pasi iu afron dhe argëtimin shumë të dashur për ta, moshën e tyre.
Në një godinë të sajën, ajo ka hapur një qendër për fëmijët, jo domosdoshmërisht në nevojë, por as pa i përjashtuar të tillët.
Dhe aty sjellin të vegjëlit ata prindër të cilët mendojnë se tek Davida do ndihen thjesht më mirë, por që do përvetësojnë dhe dije më të plota. Por duhet theksuar që nuk është kopësht klasik, e sigurisht që as avokatja Jushi nuk është edukatore klasike.
Ajo ka zgjedhur të jetojë një pasion, të bruajtur me humanitet, të cilin në fakt nu kka dëshirë ta bëjë publik (pamjet janë marrë me celular pa dijeninë e saj), pasi e konsideron si diçka “intime” të botës saj, jetës, përditshmërisë.
Të gjithëve u shkon vetëm një gjë në mendje, që të pyesin se sa fiton. Por ajo nuk e ka biznes. Duket se rast i çuditshëm i kësaj kohe grykësie të madhe – pa paragjykuar aspak ata që punojnë për të jetuar, qoftë dhe duke ndërtuar biznes me kopësht fëmijësh – por tekDavida nuk është paraja dhe fitimi rrotulla që e lëviz aktivitetin e saj, të marrurit me fëmijët. Ajo vetë ka tre syresh, e si të tijët i konsideron në bazë të përkujdesjes edhe dhjetra të tjerë duke iu ofruar më të mundshmen që kanë nevojë në këtë moshë.
Me këtë, Davida sikur don të thotë se e mira, humaniteti, ende jeton në këtë vend. Dhe ato duhen kultivuar. Sidomos në funksion të së ardhmes, fëmijëve. /tesheshi.com/
