Të dielën, qindra mijëra banorë të vendit bask, duke kapur duart, bënë një “zinxhir njerëzor” prej 202 kilometrash në një përpjekje për të thirrur për një votim rajonal mbi pavarësinë.
Ndërsa shumica e popullsisë baske, të cilët tashmë kanë një shkallë mjaft të lartë autonomie, ku ngjashëm si Katalonja kanë gjuhën e tyre dhe kulturën e tyre, nuk mbështesin idenë e pavarësisë, shumë besojnë se duhet t’u jepet e drejta për të zgjedhur.
Organizimi i protestës nga formimi i zinxhirit njerëzor u morr nga grupimi Gure Esku Dago/ Zinxhiri filloi në San Sebastian dhe përfundoi para ndërtesës së parlamentit baske në Gasteiz.
Qeveria spanjolle, e mbështetur nga Gjykata Kushtetuese, ende konsideron se çdo organizim i tillë rajonal është i paligjshëm.
Në Kushtetutën spanjolle e cila u miratua në vitin 1978, vendi është i pandashëm. Përpjekja e fundit për të mbajtur një referendum mbi shkëputjen e Katalonjës përfundoi me dështim të madh dhe ndëshkime ligjore.
Ish-kryeministri dhe anëtar i Partisë Popullore Konservatore, Marian Rajoy, i cili u kritikua gjerësisht për mënyrën se si u përball me krizën katalanase, u pasua nga kreu socialist Pedro Sanchez më 1 qershor.
Kryeministri i ri ka bërë thirrje për një rinovim të negociatave me udhëheqjen e Katalonjës. /tesheshi.com/
