Sensibilizimi i çështjes së Kripores së Ulqinit, që është bërë vazhdimisht nga tesheshi.com, ka rënë më në fund edhe në veshin e politikës shqiptare.
Deputetët e Komisionit të Jashtëm të Parlamentit shqiptar, gjatë vizitës që kanë zhvilluar në Ulqin, ata janë interesuar për këtë çështje dhe kanë pyetur se çfarë mund të ndihmojë Tirana zyrtare.
Delegacioni parlamentar i kryesuar nga Arta Dade është takuar me kryetarin e komunës, Nazif Cungu.
Siç njoftohet, në takim u bisedua për çeshtjet e shqiptarëve në Mal të Zi, statusin, sfidat dhe problemet me të cilat përballen. Mes tyre anëtarët e Keshillit, kanë shprehur interesim të posaçëm për çështjen e Kripores, Valdanosit, të Mirave detare, autostradës Adriatik-Jon dhe zhvillimin e komunës së Ulqinit.
Me një fokus të posaçëm u bisedua për projektet zhvillimore dhe mundësitë e zhvillimit të turizmit të kualitetit të lartë me.
Kryetarja e Komisionit, Arta Dade deklaroi që marrëdhëniet miqësore mes dy shteteve duhet të vazhdojnë me qëllim që politikat e tyre të jenë të drejtuara drejt qytetarëve dhe zgjidhjen e çështjeve të rendesishme.
Anëtarët e tjerë të Komisionit shprehën interesim për problemet aktuale të Shqipëtarëve ne Mal të Zi duke u fokusuar në çeshtjen e Valdanosit, Kripores së Ulqinit, të Mirave Detare dhe theksuan se nga ana e tyre këto çështje me rëndësi për shqiptarët e Malit të Zi do kenë një trajtim të posaçëm.
Mes të tjerash, anëtarët e Komisionit për politikën e jashtme vlerësojnë marrëveshjen e fundit politike që realizuan subjektet shqipatare dhe ndjekin me vemendje realizimin e saj. /tesheshi.com/
