Fabula e njohur e shprehur në vargjet “mu në fshatin tonë dhe moj erdhi sllavatori…” (ekskavatori), ka gjetur shprehje reale këtë të martë në portin e Shëngjinit. Për herë të parë në këtë port ka mbërritur një kroçerë me mbi 600 turistë nga vende të ndryshme të botës.
Ata zbarkuan dhe nisën shëtitjet në zonë duke shijuar si bukuritë natyrore e menunë në restorantet ku bujtën për të ngrënë.
Shefi i marketingut në portin e Shëngjinit, Esat Dushku u shpreh se ardhja e kroçeres është një moment historik, dhe kjo falë investimeve.
“Eshtë hera e parë që ankorohet një anije e këtyre përmasave. Kjo ndodh falë investimeve të fuqishme që janë bërë në këtë port gjatë këtyre viteve. Ardhja e kësaj anije turistike bën të mundur që kroçerat të përfshijnë tashmë dhe portin e Shëngjinit në hartën porteve turistike të rajonit, që do të thotë më shumë punë e më shumë të ardhura”, tha Dushku. /tesheshi.com/
