Tashmë është e konfirmuar. Kampionati Botëror i vitit 2022 që do të organizohet nga Katari, do të luhet në dimër. Kështu ka vendosur komiteti ekzekutiv i FIFA-s në mbledhjen e zakonshme të mbajtur në Cyrih të Zvicrës. 21 nëntori është parashikuar data kur do të fillojë kompeticioni, ndërkohë ndeshja finale do të zhvillohet më 18 dhjetor.
Ky do të jetë kampionati më i shkurtër në histori. Vetëm 27 ditë për të përcaktuar skuadrën kampion bote për katër vite. Një gjë e tillë më herët kishte ngjarë në Argjentinë në kampionatin e mbajtur në vitin 1978, kompeticion ky që zgjati vetëm 24 ditë.
Por, kampionati Botëror që do të zhvillohet në Katar do të jetë i pari në histori që do të luhet në stinën e dimrit. Ky vendim pa dyshim u ndryshon më shumë planet vendeve europiane, që duhet të lëvizin kalendarin për të shtyrë kampionatet e klubeve.
/tesheshi.com/
