Që kur është krijuar e deri në ditët e sotme, WhatsApp jo vetëm që është shndërruar në një nga aplikacionet më të pëlqyera dhe gjerësisht të përdorura nga të gjitha moshat në të gjithë botën, por edhe ka ndryshuar disa herë, duke u azhurnuar e duke sjellë përherë risi, në përputhje me ndryshimet e fundit teknologjike.
Aplikacioni i mesazheve të menjëhershme, WhatsApp mund të ofrojë shumë shpejt për të gjithë përdoruesit, mundësinë e dërgimit dhe të marrjes së dokumenteve. Me sa duket, shumë shpejt, krahas butonave për dërgimin e fotove apo mesazheve zanore, do të keni opsioni për dërgimin e dokumenteve.
Deri në këto momente nuk dihet se çfarë lloj dokumentesh do të mund të dërgohen nëpërmjet këtij aplikacioni, por me shumë mundësi pritet të jenë ato më të përdorshmet, në Word e PDF. Në pritje të konfirmimeve zyrtare nuk na ngelet më veçse të presim për një azhurnim të ri të WhatsApp Messenger për Android e iOS./tesheshi.com/
