Kreu i mazhorancës Edi Rama, i është gëzuar mesazhit amerikan mbi kërkesën e opozitës, e posaçërisht znj. Kryemadhi, mbi ndryshime kushtetuese për zgjedhjen e Kryeprokurorit, duke kërkuar po në këto ndryshime shkarkimin e aktuales me status të “përkohshëm”, Arta Marku.
Por Uashingtoni, me anë të njeriut të vet në Tiranë Donald Lu, ktheu një përgjigje negative mbi kërkesën.
“Jo”-ja që erdhi nga ambasada amerikane, ngazëlleu kryeministrin Rama, i cili i kushtoi dy rreshta status këtij zhvillimi
“Përkthimi shqip-shqip i SHBA rrëzon përsëri leximin shqip-shqup të Kushtetutës për drejtësinë. Shumë keqardhje dhe pak shpresë për reflektim”, shkruan Rama.
Ndërkohë, Rama luan bllofin sa herë opozita kërkon diçka, sidomos kur është fjala për çështje që kanë të bëjnë me reformën në drejtësi. “Nëse amerikanët dhe europianët janjë dakort, dakort jam dhe unë”, shprehet Rama. Edhe për rastin e fundit këtë tha. Tek Ilva Tare ditë më parë. /tesheshi.com/
