Torta e kripur me oriz është një pjatë unike tipike e traditës gastronomike xhenoveze (Genova-Itali), e përbërë nga një pastë neutrale me oriz, djathë të butë dhe vezë. Kjo tortë është e pasur me substanca aromatizuese me arrë muskat dhe këshillohet të konsumohet e vakët ose e ftohtë.
Procedimi
Për brumin: Hidhni miellin në një enë dhe shtoni kripë, vaj dhe aq ujë sa të mund të zini një brum të butë. Lëreni të pushojë. Në të njëjtën kohë vini qumështin të ziejë me pak kripë dhe shtoni në të oriz, deri sa ai të ziejë al dente (i fortë për dhëmbin). Lëreni të ftohet në enën me qumësht. Pasi të jetë ftohur, hidheni në një tas, shtoni djathin dhe përziejeni mirë.
Shtoni edhe vezët dhe përzieni përsëri. Më tej aromatizojeni me pak arrë muskat. Me brumin hapni një petë me diametër 22 cm dhe vendoseni në një tepsi rrethore, duke nxjerrë jashtë pjesët anësore të petës. Hidhni mbi të përzierjen dhe vajë.
Nëse doni mund të shtoni edhe një petë tjetër sipër dhe ta mbyllni përgatitjen. Vendosni tortën në furrë në temperaturën 220 gradë për rreth 45 minuta. Do të formohet një pjesë krokante në sipërfaqe. Më pas shërbejeni të akët (jo shumë të nxehtë, pasi të jetë ftohur pak) ose të ftohtë./tesheshi.com/
