Ka një kontraditë mes asaj që thotë dhe asaj që bën Lëvizja Socialiste për Integrim. Megjithëse është deklaruar në frontin opozitar kundër qeverisë Rama, kjo parti vijon të mbajë ministrat e saj në punë brenda kësaj qeverie.
Ata nuk kanë ndërmend të japin dorëheqjen deri sa të krijohet qeveria e re në Shtator dhe mes marrëveshja e para 4 viteve mes PS-së dhe LSI-së për bashkëqeverisje është prishur prej kohësh.
Ministri i Bujqësisë nga radhët e LSI, Edmond Panariti i tha Report Tv se ministrat e kësaj force politike nuk largohen nga detyra pas prishjes së koalicionit PS-LSI.
Sipas tij, qeverisja është përgjegjësi dhe ministrat do vijojnë punën deri në fund, ndërsa shton se fokusi i ardhshëm i LSI-së në opozitë do jetë një organizim i gjerë me përfshirjen e shumë masave të shoqërisë.
“Nuk e konsiderojmë qeverisjen një shaka, qeverisja është përgjegjësi dhe ne do vijojmë punën deri në fund. Kemi qenë kontestues të shumë reformave, të shumë reformave të marra nga PS, kemi pasur mendimin tonë kritik. Aksioni politik i LSI do të përfshijë shumë shtresa shoqërore, një qeverisje nuk mund të mbahet me epiqendrat e qyteteve, fasadave”, u shpreh ministri i LSI, Edmond Panariti./tesheshi.com/
