Qeveria e Maqedonisë Veriore ka miratuar rekomandime dhe masa për t’iu përgjigjur niveleve të larta të ndotjes së ajrit në vend, përfshirë transportin publik falas në kryeqytet dhe shkurtimin e orarit të punës nga 11:00 në 17:00 për gratë shtatzëna, të moshuarit dhe pacientët kronikë.
“Të gjithë personat juridikë këshillohen që të lehtësojnë detyrimet e punës për gratë shtatzëna, personat mbi 60 vjeç, si dhe ndaj atyre me astmë kronike apo atyre që kanë pasur sulm në zemër ose goditje në tru, pavarësisht nga mosha”, thuhet në rekomandimet e qeverisë.
Gjithashtu, riorganizimi i orarit të punës është i nevojshëm që punëtorët në natyrë të angazhohen në punë me kohë të pjesshme nga 11 e mëngjesit në 17:00.
Transporti publik falas, përfshirë autobusët privatë, është futur në Shkup nga ora 18:00.
Po ashtu, të gjitha punimet ndërtimore janë pezulluar në territorin e Shkupit.
Në të njëjtën kohë, çmimi i hapësirës së parkimit publik u rrit dy herë deri në eliminimin e masave emergjente për shkak të nivelit të lartë të ndotjes së ajrit.
Qyteti i Shkupit rekomandon që punonjësit të vijnë në punë me transport publik.
Rekomandohet gjithashtu që të mos organizohen ngjarje sportive apo kulturore në natyrë.
Gjithashtu, qeveria e Maqedonisë Veriore ka detyruar të gjithë organet qeveritare dhe institucionet të zvogëlojnë deri në 50 përqind të përdorimit zyrtar të automjeteve.
Më tej, Ministria e Punës dhe Politikës Sociale, në bashkëpunim me Kryqin e Kuq dhe qendrat shëndetësore, u angazhuar që të sigurojë strehim për të pastrehët. /tesheshi.com/
