Numri i madh i zv.ministrave ka vënë në vështirësi kryeministrin Ramush Haradinaj në mbledhjen e fundit të qeverisë të mbajtur të premten, ku ai nuk njeh një zv.ministër të kabinetit të tij.
Kjo ka ndodhur, ndërsa Haradinaj i dha fjalën një personi krejtësisht anonim të quajtur Fatir Ferzati, i cili zëvendësonte ministrin e Zhvillimit Ekonomik (MZHE), Valdrin Lluka për të cilin kryeministri tha se gjendet në Amerikë.
“Jeni ju zv.ministër?”, pyeti Haradinaj personin në fjalë i cili me gjasë është emëruar nga AKR-ja e Pacollit por çuditërisht siç duket nuk është njoftuar Haradinaj.
Portali tesheshi.com ka hulumtuar në faqen zyrtare të MZHE-së nëse emri i personit në fjalë ekziston si zv.ministër, por nuk ka të dhëna të tilla, ashtu siç nuk ka të dhëna për emërimin e ndonjë zv.ministri tjetër.
Por ky nuk është problemi i vetëm që kishte Haradinaj në këtë mbledhje. Ai pasi e mbylli mbledhjen e nisi sërisht atë. /tesheshi.com/
