Tetë vjet më parë, një saudit ngriti një padi kundër një qytetari i cili shkeli mbi një milingonë qëllimisht.
Sipas paditësit, veprimet e tij ishin kundër mësimeve të Islamit.
Paditësi tha se “milingona është një nga krijesat e gjalla të Zotit dhe ka të drejtën të jetojë”. Ai kërkoi që rregullat e ligjit islam të zbatohen për të pandehurin.
Gjyqtari Mohammed al-Fayez e pranoi rastin. Duke folur me paditësin, Fayez tha: “kërkesa juaj është pranuar dhe si avokat i milingonës, është e qartë për mua se kur e keni paraqitur rastin, ju nuk keni ofruar një kontratë të ligjshme të avokatit nga prindërit e milingonës që u vra nga pala mbrojtëse”.
“Si e tillë, rasti nuk mund të vazhdojë më tej, vetëm nëse individi në fjalë është i pranishëm ose ka një avokat të ligjshëm”, shtoi ai.
Më pas gjyqtari vazhdoi t’i kërkojë paditësit të sillte një kontratë të ligjshme të avokatit nga prindërit e milingonave. Pasi të ketë bërë, gjykata më pas “do t’i kërkojë të pandehurit që të vijë në gjykatë”.
Paditësi u trondit nga përgjigja e gjyqtarit dhe nuk kishte rrugëdalje tjetër, përveç se të largohej nga gjykata. /tesheshi.com/
