Presidenti Meta vijoi betejën e tij me qeverinë në emër të “shpartallimit të grushtit të shtetit”, duke kallëzuar në SPAK ministren Etilda Gjonaj. Për këtë të fundit, ai pretendon se i ka marrë kompetencat në mënyrë “kriminale”.
“Tashmë padia dhe kallëzimet penale për disa vepra shumë të qarta për të cilat do të kemi komunikim publik, është dorëzuar për tre titullarë të lartë të ministrisë së Drejtësisë me në krye zonjën ministre ende në detyrë”, tha Meta para gazetarëve.
Kujtojmë se dy ditë më parë, ministrja Gjoni i etiketua si “halabake rrugësh”, nga bashkëshortja e tij. znj. Kryemadhi.
Meta u përbetua se po lufton për Kushtetutën, duke bërë dhe në publik gjestin ekzibicionist në shqiponjës.
“Unë kam dalë në sheshin e betejës së vërtetë për çdo qytetar që dëshiron të jetojë në liri dhe ku ligji është i barabartë për të gjithë. Nuk ka ndodhur në asnjë vend të Evropës të shkelet Kushtetuta në këtë mënyrë; të ketë tre vjet pa Gjykatë Kushtetuese…”, tha njeriu në krye të shtetit. /tesheshi.com/
