Të dehurit në timon vijojnë të jenë të shumtë në rrugët e Shqipërisë, paçka masave të rrepta deri në prangosje e plasje në qeli .
Siç informohet nga Rendi, 23 leje drejtimi janë pezulluar në fundjavë vetëm për shak të drejtimit të mjetit nën efektin e alkoolit.
Të dhënat thonë se 11 drejtues mjetesh janë arrestuar vetëm në 12 orët e fundit, 9 për drejtim mjeti në gjendje të dehur dhe dy drejtues mjeti pa leje drejtimi.
Ndërkaq, gjithsej janë pezulluar 44 leje drejtimi, gjysma e të cilave vetëm për drejtim mjeti nën efektin e alkoolit, 13 për shpejtësi tej normave të lejuara dhe 8 për semaforë e shkelje të tjera.
Kujtojmë që pak ditë më parë, një i droguar në timon u mori jetën tre vajzave, por që dhe të tijën gjithashtu e humbi.
Shqetësues është fakti se, edhe pse policia i ka ashpërsuar masat ndëshkuese, ritme e shkeljeve vazhdojnë të jenë të larta, përfshirë këtu dhe drejtimin nën efekt alkoli. /tesheshi.com/
