Ishte i vetmi i mbijetuar nga Pearl Harbor: Kaname Harada ndërroi jetë në moshën 99-vjeçare në Nagano, në veriperëndim të Tokios. Piloti ushtarak i aviacionit japonez, Harada konsiderohej si një zog i qiellit. Pas luftës ai u shndërrua në pacifist, duke mos e fshehur keqardhjen për viktimat e shkaktuara gjatë konfliktit.
Harada ka marrë pjesë edhe gjatë sulmit të përgjakshëm në bazën e Haëaiit, më 7 dhjetor të vitit 1941, çka shkaktoi hyrjen e Shteteve të Bashkuara në Luftën e Dytë Botërore.
Ai nuk priti thirrjen e shtetit për pjesëmarrje në luftë, por doli vullnetar në vitin 1933 në marinën japoneze, kur ishte vetëm 17-vjeç. U bë pilot dhe ishte protagonist i mposhtjes së dhjetëra helikopterëve kinezë, britanikë e amerikanë.
I plagosur në vitin 1942 pasi ra me mjetin e tij fluturues në ishullin Solomon, Harada u kthye në Japoni dhe u bë administrator i misioneve kamikaze me objektivin e goditjes së ushtrisë amerikane. Pas luftës iu kthye bujqësisë duke jetuar gjithmonë me brejtjen e ndërgjegjes. Vizitoi edhe një herë Pearl Harbor në vitin 1991, në 50-vjetorin e kësaj beteje. /tesheshi.com/
