Ndërron jetë 26-vjeçari, ishte ‘gjiganti me këmbë prej argjili’

I gjatë 269 cemtimetra, ka ndërruar jetë në Tailandë, në moshën 26 vjeçare njeriu më i gjatë në botë. Lajmi për ndarjen nga jeta të Pornchai Sawsri është bërë publik nga Bangkok Post dhe ka ngjallur kureshtje duke gjetur pasqyrim në shumë media mbarëbotërore.

26-vjeçari konsiderohej si ‘gjiganti me këmbë prej argjili’ duke qenë se shqetësimi i rritjes së shpejtë prej së cilës vuante, e detyronte të rrinte një pjesë të madhe të kohës në shtrat. Edhe pse kishte gjymtyrë shumë të gjatë, ai i lëvizte me shumë vështirësi, veçanërisht këmbët.

Për shkak të këtyre problemeve i riu gjigant ka ndërruar jetë. Sipas Bangkok Post bëhet me dije se Pornchai Sawsri ndërroi jetë në banesën e tij në provincën Surin pasi shtrimeve të shumta në spital, për shkak të hipertensionit. Historia e tij është shfaqur në media të ndryshme, ku i riu kërkonte edhe ndihmë për të përballuar shpenzimet e shumta mjekësore.

26 vjeçari nuk u certifikua kurrë si fitues i një rekordi Guiness. Aktualisht, titullin e njeriut më të gjatë në botë e mban 33 vjeçari Sultan Kosen, i cili jeton në Ankara dhe është plotë 251 centimetra i gjatë.

Njeriu me gjatësinë më të madhe në histori është shënuar Robert Wadlow