Kreu i Rendit shqiptar, Saimir Tahiri i është gëzuar faktit që bilanci i incidenteve këtë ndërrim vitesh ka qenë pothuajse zero.
“Ndërrimi i viteve ishte vetëm festë, pa asnjë incident. Faleminderit qytetarëve për mirëkuptimin dhe besimin”, ka shkruar ministri Tahiri në facebook, ku pasi ia ka atribuar qytetarëve meritën për këtë, më pas ka kaluar dhe tek një falenderim për vartësit e tij uniformëblu
“Faleminderit punonjësve të policisë që i shërbyen qytetarëve për festa”.
Pak ditë para ndërrimit të viteve, doli vetë kreu i përgjithshëm i policisë, Haki Çako i cili u përcolli një mesazh qytetarëve, sidomos atyre në timon, për të qenë të kujdesshëm dhe të vetëpërmbajtur gjatë ndërrimit të viteve.
Kjo pasi vitet e shkuara nuk ka qenë kaq të paqta. Të nesërmen e 1 janarit, numëroheshin, në rastin më të mirë, disa të plagosur, në aksidente apo nga shpërthimet e kapsollave dhe fishekzjarreve. /tesheshi.com/
