Presidenti i ndjerë Ibrahim Rugova u kritikua shumë në të gjallë se pse asnjëherë nuk ka shkoi në Prekaz te familja Jashari dhe po ashtu nuk u përkul para varrit të Adem Jasharit.
Mungesa e sigurisë edhe sot e kësaj dite jepet si arsyetim kryesor pse nuk ndodhi një vizitë e tillë, pasi Rugova dhe LDK pas lufte dihet botërisht se nuk kanë qenë aq të mirëpritur në Drenicë, bastion ky i partive të dala nga lufta veçmas PDK-së.
Por 18 vjet paslufte gjërat kanë ndryshuar aq shumë sa tani njerzit kryesorë të LDK-së edhe në prag fushate shkojnë përkulen te varri i Adem Jasharit, dhe atë para atyre të PDK-së apo AAK-së. Këtë e ka bërë sot kandidati i kësaj partie për kryeministër, Avdullah Hoti, i cili ka premtuar se kauzën e komandantit Adem Jashari, për një Kosovë të lirë dhe të zhvilluar do ta bëjnë realitet.
Ai ka premetuar se qeveria e re siç e ka quajtur e “koalicionit të djathtë” do të financojë projektet që kanë të bëjnë me ruajtjen e vlerave të luftës së UÇK-së.
“Respekti më i madh që i bëjmë ne sot Komandantit Adem Jashari dhe gjithë dëshmorëve të rënë në luftë, është që ta ndërtojmë një Kosovë sovrane, me integritet territorial, të zhvilluar ekonomikisht, pa krim e korrupsion. të respektuar në arenën ndërkombëtare. Programi ynë qeverisës bazohet pikërisht në këtë synim, formimi i shtetësisë dhe zhvillimi i vendit”, ka thënë Hoti.
Mbetet të shihet në katër ditët e mbetura të fushatës nëse Prekazin do e vizitojë edhe dy kandidatët tjerë për kryeministër Ramush Haradinaj nga “koalicioni i luftës” dhe Albin Kurti nga Vetëvendosje. /tesheshi.com/
