Ambasadorja amerikane në Tiranë Yuri Kim i cilësoi shqiptarët si “trima” në një fjalëmbajtje rasti në Portin e Durrësit, aty ku nisi stërvitja e madhe ushtarake e NATO-s “Defender Europe 21”.
“Shqipëria është pritëse e më shumë aktiviteteve se çdo vend tjetër në rajon. Kjo nuk është rastësi. Shqiptarët kanë luftuar përkrah nesh krah për krah.
Ne kurrë nuk do t’i harrojmë sakrificat tuaja. E njohim trimërinë tuaj dhe jemi të nderuar t’ju kemi në aleancë.
Përgëzojmë vullnetin e Shqipërisë për të marrë përgjegjësi. Ju kurrë nuk keni hezituar për të na ndihmuar.
Na keni përsëritur gjithmonë dhe na keni treguar potencialin taktik dhe strategjik në Shqipëri. Kjo stërvitje është historike. Jemi gjithmonë krah për krah jush, tani, nesër e përgjithmonë”, tha Kim. /tesheshi.com/
