Avionët e NATO-s kapën aeroplanët rusë 10 herë brenda gjashtë orësh në disa zona në hapësirën e saj ajrore mbi Atlantikun e Veriut, Detin e Veriut dhe Detin e Zi.
Tani për tani, nuk ka përgjigje nga Rusia, e cila kohët e fundit akuzoi NATO për “ndjekjen e rrugës së konfliktit”, raporton BBC.
Sekretari i Përgjithshëm i NATO-s Jens Stoltenberg i bëri thirrje Moskës që të vazhdojë dialogun dhe kjo thirrje u mbështet nga Sekretari i Shtetit i SHBA Antony Blinken gjatë vizitës së tij në Bruksel dhe selinë e Aleancës javën e kaluar.
Sipas NATO-s, megjithëse avionët rusë nuk hynë kurrë në hapësirën e saj ajrore, ato nuk transmetuan kode transponderi, që paraqet një rrezik të mundshëm për avionët civilë.
Marrëdhëniet midis Moskës dhe NATO-s u prishën në vitin 2014, kur Rusia aneksoi Krimenë dhe për shkak të ngjarjeve në pjesët lindore të Ukrainës.
Marrëdhëniet janë tensionuar gjithashtu nga një mosmarrëveshje mbi tubacionin Nord Stream 2, të cilën Shtetet e Bashkuara e kundërshtojnë. /tesheshi.com/
