Këtë vit, konkursi i National Geographic pati 17 mijë fotografi nga njerëz të ndryshëm, që gjatë udhëtimeve të tyre patën shansin të bëjnë shkrepjen e duhur. Fituesi Anuar Patjane Floriuk, fotografia e të cilit mori vendin e parë, shpjegon se ajo është shkrepur në ishujt Revillagigedo në Meksikë e tregon një balenë dhe të voglin e saj. Ai thotë se bota nënujore pranë këtyre ishujve është e mrekullueshme dhe sa më shpejt duhet të mbrohet nga UNESCO për shkak të rritjes së gjuetisë.
Ja edhe një përmbledhje e dhjetë fotografive më të mira të udhëtimit nga konkursi i National Geographic.
Tre punëtorë shohin përmes xhamit të ndotur të vendit të punës në Bangladesh
Garë gamiljesh në Oman. Mos mendoni se kush arrin e para fiton, është e kundërta, kush arrin e para humbet, pasi gara konceptohet si një shfaqje për të treguar qëndrueshmërinë e gamiljeve arabe dhe hapin e tyre të shtruar. Gamiljet duhet të qëndrojnë në një radhë me njëra-tjetrën.
Pemë në Namibi. Ka mjaftuar drita e hënës për të realizuar foton.
Dy djem të vegjël përpiqen të kapin një patë në rrjedhën e një ujëvare në Tajlandë.
Një fotografi e dy mundësve indianë. Pas lojës tradicionale ata mbulohen me baltë e mbështeten pas murit që të mos ftohen.
Rinocerontët në Uganga janë objekt i fotos tjetër, ata janë një specie në zhdukje në këtë vend.
Nga Italia vjen fotografia e shkrepur në një sauna, 2800 metër në Alpet Italiane
Fotografia e nëntë vjen nga Polonia në sezonin kur fshatarët mprehin kosat.
Fotografia e dhjetë është shkrepur në Rumani në një ditë ngrice në fshatin Pestera. /tesheshi.com/
