Zjarrfikësit shuan një zjarr të shkaktuar nga një bombardim rus në vendin e një centrali bërthamor në Zaporizhia, më i madhi i këtij lloji në Evropë, thanë shërbimet e urgjencës të Ukrainës. Zjarri është vënë nën kontroll të plotë dhe është “fikur në orën 06:20”, sqaroi shërbimi ukrainas i urgjencës përmes Facebook.
Termocentrali bërthamor në Zaporizhia, më i madhi në Evropë në Ukrainën qendrore, u godit nga një bombardim i ushtrisë ruse, por siguria e termocentralit është “e garantuar”, sipas Kievit, i cili fajësoi Moskën për “terrorizmin bërthamor”. “Një zjarr shpërtheu pasi forcat ruse bombarduan një central bërthamor në Zaporizhia,” tha Andriy Tuz në një video që ai ngarkoi në llogarinë Telegram të uzinës.
“Siguria e termocentralit bërthamor tashmë është e garantuar. Sipas drejtuesve të atyshëm, zjarri shpërtheu në një ndërtesë ku punonjësit ishin të trajnuar dhe në një laborator”, siguroi më vonë përmes Facebook, Oleksandr Staroukh, komandanti i forcave ushtarake ukrainase në Zaporizhia.
⚡️⚡️Zaporizhzhya NPP continues to be shelled pic.twitter.com/KsZXqTNVb3
— NEXTA (@nexta_tv) March 4, 2022
Niveli i radioaktivitetit në termocentralin, i cili ka gjashtë reaktorë dhe siguron pjesën më të madhe të energjisë elektrike të konsumuar nga vendi, mbetet i pandryshuar, tha Agjencia Ndërkombëtare e Energjisë Atomike (IAEA), duke shtuar se asnjë reaktor nuk u godit. Më herët, IAEA lëshoi një apel urgjent “për të ndaluar përdorimin e forcës” në centralin bërthamor, duke paralajmëruar “një rrezik shumë serioz nëse goditen reaktorët”.
Presidenti ukrainas Volodymyr Zelensky ka akuzuar Rusinë për “terrorizëm bërthamor”, duke thënë se ajo donte të “përsëritte” katastrofën e Çernobilit – ku ndodhi aksidenti më i keq bërthamor në histori në vitin 1986.
Терміново! pic.twitter.com/MuXfniddVT
— Володимир Зеленський (@ZelenskyyUa) March 4, 2022
“Ne paralajmërojmë botën se asnjë vend tjetër përveç Rusisë nuk ka hapur ndonjëherë zjarr ndaj termocentraleve bërthamore. Është hera e parë në historinë tonë, hera e parë në historinë e njerëzimit. Ky shtet terrorist po i drejtohet tani terrorizmit bërthamor”, tha Zelensky në një video të ngarkuar në faqen e internetit të presidencës ukrainase.
“Ukraina numëron pesëmbëdhjetë reaktorë bërthamorë. Nëse dikush shpërthen, do të jetë fundi i gjithçkaje. Fundi i Evropës. Evropa duhet të evakuohet. Vetëm nëse Evropa vepron menjëherë, do të jetë në gjendje të ndalojë trupat ruse. Evropa nuk duhet të jetë në rrezik të vdesë nga një fatkeqësi bërthamore.” /tesheshi.com/
