Agjencia hapësinore amerikane NASA tha së fundi se nivelet globale të deteve u rritën më shumë se sa pritej në 2024 për shkak të zgjerimit termik të ujit të detit dhe shkrirjes së shtresave të akullit.
Vitin e kaluar, më i ngrohti në histori, shkalla vjetore e rritjes ishte 5.9 milimetra, krahasuar me 4.3 milimetra të pritur, sipas analizës së NASA-s.
Në përgjithësi, shkalla e rritjes së nivelit të detit është dyfishuar gjatë 30 viteve, me nivelet globale të detit duke u rritur me dhjetë centimetra që nga fillimi i regjistrimit satelitor të lartësive të oqeanit në vitin 1993.
“Rritja që pamë në 2024 ishte më e madhe nga sa prisnim,” tha Josh Willis, një shkencëtar në Laboratorin Jet Propulsion të NASA-s, duke shtuar: “Çdo vit është pak më ndryshe, por ajo që është e qartë është se oqeani vazhdon të rritet dhe ritmi i rritjes po bëhet dhe më i shpejtë.”
Në vitin 2024, nivelet e deteve u rritën kryesisht për shkak të zgjerimit termik ose ngrohjes së oqeaneve, duke përmbysur prirjen që shkrirja e akullnajave dhe shtresave të akullit kontribuan më së shumti në rritje.
“Me vitin 2024, vitin më të ngrohtë në histori, oqeanet në zgjerim të Tokës po ndjekin shembullin, duke arritur nivelet e tyre më të larta në tre dekada”, tha Nadya Vinogradova Shiffer nga NASA. /tesheshi.com/
