Presidenti i Napolit, Aurelio De Laurentiis i ka dërguar një kërkesë UEFA-s që ekipi i tij të luajë ndeshjet e Champion League në Bari në stadiumin “San Nicola”.
Napoli është në konflikt të hapur me autoritetet e qytetit pasi na këta të fundit pretendohet se skuadra e Serisë A ka para borxh dhe nuk mund ta marrë me qira stadiumin. Manjati i filmit është gjithashtu pronar i skuadrës së Barit dhe ai tha se po mendon që Napoli t’i luajë ndeshjet në Bari.
“Ne i kërkuam UEFA-s që ndeshjet e Ligës së Kampionëve t’i luajmë në ‘San Nicola’ të Barit dhe unë do të paguaj nga xhepi im për 1,000 autobusë në mënyrë që napolitanët të shikojnë ndeshjet”, tha De Laurentis.
Presidenti napoletan tha se nuk do donte të krijonte polemika të kota, pasi brenda dy viteve do niste ndërtimin e një stadiumi të ri për ekipin. /tesheshi.com/
