Mustafa Nano – Fatos Lubonja, është një prej miqësive të prishura për shkak të mospajtimeve politike, por më tepër etike, në lidhje me zhvillime të ndryshe politike e shoqërore bashkë këto 20 vitet e fundit në Shqipëri.
Së fundi, Nano e ka quajtur Lubonjën dhe një teveqel, për shkak të deklarimeve të këtij të fundit në media lidhur me krizën e ardhur nga çadra. Pasi i është përveshur Andi Bushatit me një kritikë të rreptë, lidhur me qëndrimet e skajshme e dhunënxitëse të tij anti-Rama, Nano e kalon penën e hidhur te një tjetër personazh, Lubonja. “Por është edhe më guximtare teza e një gazetari tjetër, që ka qenë në burg gjatë komunizmit (po, po, është pikërisht ai që keni në mendje), i cili në një bisedë me Bashën, i ka thënë këtij të fundit: “Ka vetëm një zgjidhje në këtë mes; PS-ja ka krijuar bandat e saj; ju të PD-së duhet të krijoni bandat tuaja”. Çfarë gallate! Lëre që ushqen logjikën e ndeshjes rapsodike, por edhe i thënka kreut të PD-së që të krijojë bandat e tij!!!! More teveqel me syze! Po ende nuk e ke marrë vesh që PD-ja vetë është nëna e bandave?”, shkruan Nano në një trajtesë të fundit, ku godet ashpër atë gjuhë opinionbërëse që sipas tij po ushqejnë forcën më tepër se arsyen në zhvillimet e acaruara politike.
Kujtojmë se vite më parë, Nano e Lubonja ishin ndër miqtë më të ngushtë me njëri-tjetrin, në një linjë të mendimit politik, kulturor dhe estetik, ftohur e ndarë më pas për shkak të qasjeve të ndryshe në lidhje me politikën. Kjo ndodhi dhe në raportet Lubonjës me Ramën e të ndjerin Klosi. /tesheshi.om/
