Numri 2 i qeverisë, Arben Ahmetaj, u ballafaqua me zhgënjimin e opinionit, përcjellë nga interesi gazetaresk, mbi të ashtuquajturin Bord të Transparencës, që edhe me të cilin çmimi i naftës po njeh rritje të frikshme.
Pas mbledhjes së qeverisë, Ahmetaj tha se për të menaxhuar krizën, qeveria do të vijojë të përdorë të gjithë instrumentat, “qoftë edhe ata inovativë për të frenuar rritjen abuzive të çmimeve.”
“Sot morëm një seri detyrash, mbi 20 e ca detyra që kryeministri na dha në raport me ndjekjen dhe hartimin e politikave për menaxhimin e krizës. Një krizë e shkaktuar nga njeriu, nga invazioni rus. Dhe qeveria do të përdorë të gjithë intrumentat e duhur, qoftë edhe inovativë, që të frenojë rritjet abusive të çmimeve. Çdo instrument që funksionon për të monitoruar, që të mos ketë abuzim do të vijojë…”, ishte përgjigja e zv.kryeministrit.
Ahmetaj theksoi se çmimet janë rritur si pasojë e krizës energjitike ndërsa solli në vëmendje se pavarësisht situatës, Shqipëria e ka inflacionin 6.2 për qind, që sipas tij është më e ulët se çdo vend i rajonit.
“Qeveria ka menduar përpara disa muajsh për ato paketa që sot janë publike dhe në funksion. Shqipëria e ka inflacionin 6.2 për qind, më pak se rajoni kjo ka të bëjë me paketat e subvencionomit të energjisë…Shikoni statistikën e inflacionit në rajon, asnjë vend nuk na afrohet. Është një krizë globale, e ka gjenezën në agresionin rus…”, ishte arsyetimi i Ahmetajt. /tesheshi.com/
