Sikurse të gjithë myslimanët në të gjithë botë, edhe besimtarët shqiptarë kanë kremtuar sot Fiter Bajramin, në përfundim të muajit të Ramazanit.
Besimtarët myslimanë mbushën në orën 06.00 të mëngjesit bulevardin “Dëshmorët e Kombit” në kryeqytet, për të marrë pjesë në ceremoninë e faljes së Bajramit.
Mesazh urimi përcolli për këtë ditë festive kryetari i Komunitetit Mysliman të Shqipërisë, Skënder Bruçaj, i cili e vlerësoi këtë ditë si festën e shpërblimit, ditën e harmonisë shpirtërore, ditën e solidaritetit dhe ditën e afrimit me njëri-tjetrin.
“Të jetojmë siç po jetojmë në vëllazëri dhe në harmoni, me besimtarët e komuniteteve të tjera. Duke respektuar njeriun, unitetin njerëzor, të ndryshmen. Zoti e begatoftë çdo shqiptarë dhe Shqipërinë”, uroi Bruçaj. /tesheshi.com/
