Policia e Zelandës së Re arrestoi të enjten dy persona dhe akuzoi njërin prej tyre për kërcënime me vrasje, për kërcënime që ai bëri në internet mbi Qendrën Islamike Linwood dhe Xhaminë Al Noor në Christchurch.
Lajmi vjen disa ditë para përvjetorit të dytë të sulmeve terroriste në dy xhami në vitin 2019, në të cilat 51 njerëz u vranë dhe dhjetra u plagosën.
John Price, një zyrtar i policisë së Qarkut Canterbury, i tha një konference shtypi se një urdhër kërkimi u ekzekutua më herët të enjten, pas kërcënimeve të bëra ndaj xhamive në faqen e internetit 4SChan.
Policia u njoftua për kërcënimet përmes linjës së tyre “Pengesat e Krimit” disa ditë më parë.
Price tha se një nga të arrestuarit është një 27-vjeçar i akuzuar për kërcënimeme vrasje dhe pritet të paraqitet në Gjykatën e Qarkut Christchurch.
Ai gjithashtu tha se hetimi policor po vazhdon, duke shtuar se detaje mbi natyrën e kërcënimit nuk mund të lëshohen në këtë fazë.
Price tha se personi tjetër që u arrestua u la i lirë, duke theksuar se “asnjë mesazh urrejtjeje ose personash që duan të dëmtojnë shoqërinë tonë nuk do të tolerohen”.
“Ne i marrim të gjitha kërcënimet e këtij lloji shumë seriozisht dhe punojmë ngushtë me komunitetin mysliman,” shtoi ai.
Brenton Tarrant, sulmuesi që kreu masakrën në xhamitë në Christchurch, u dënua nga një gjykatë e Zelandës së Re disa muaj më parë me burgim të përjetshëm, pa mundësinë e lirimit me kusht, për vrasjen e 51 personave pasi qëlloi besimtarët më 15 mars 2019. /tesheshi.com/
