Pas pafajsisë së Vojisllav Sheshelit, ka rinisur në Serbi shqetësimi i banorëve joserbë.
Kreu i Këshillit Kombëtar boshnjak ka kërkuar që trupat e Kombeve të Bashkuara të instalohen në Serbinë juglindore për të mbrojtur myslimanët e krahinës së Sanxhakut.
Ugljanin, ish-ministër i Bosnjës nga krahina e Sanxhakut, por që nuk njihet me të njëtin emër nga ana e Beogradit, i ka bërë një kërkesë zyrtare Këshillit të Sigurimit të OKB-së.
“Ju kërkojmë që në mënyrë të menjëhershme të na dërgoni forca në zonë për të parandaluar konfliktet dhe të mbroni popullin boshnjak në këtë pjesë të Serbisë”, shkruan Ugljanin, letra e të cilit botohet në gazetën serbe Vecernje Novosti.
Vendimi për t’i bërë kërkesën zyrtare OKB-së u mor nga i gjithë këshilli.
Në dokument theksohet se “duhet të parandalohet terrori që ka nisur në këtë zonë ndaj popullit boshnjak. Gjithçka ka ardhur pas vendimit të Gjykatës së Hagës për të shpallur të pafajshëm kreun e paramilitarëve serbë Vojisllav Sheshel.
Ndërkaq, ministri i jashtëm serb, Ivica Daçiç e ka quajtur letrën si pa sens dhe theksoi se asnjë në botë nuk do të reagojë.
“Paqja dhe stabiliteti në Serbi nuk është i kërcënuar”, tha Daçic për gazetën Vecernie Novosti.
Kreu i Komisionit për Minoritetet, Meho Omeroviç e ka dënuar alarmin e Ugljaninit duke thënë se “ai po luan politikën e frikësimit dhe terrorizimit të popullsisë”. /tesheshi.com/
