Kryeministri në largim, Isa Mustafa pas akuzave të djeshme që bëri në drejtim të shumë aktorëve politikë, sot ka akuzuar përmes rrjeteve sociale Kadri Veselin.
Ndërsa e quan kreun e PDK-së kryeideator të rrëzimit të qeverisë dhe njeri që i dha të drejtë dhunës, Mustafa shprehet se ata legalizuan gurët dhe flakën e hedhur mbi policinë, promovuan aktorët e dhunës dhe zjarreve që iu vunë ndërtesës së qeverisë dhe Kuvendit, të sulmeve me mollotov e të predhave të drejtuara ndaj Parlamentit.
Mustafa më tej duke folur për krijimin e institucioneve të reja thotë se Veseli dhe Haradinaj qeverinë mund ta bëjnë vetëm me pazare, por jo në mënyra tjera.
“U hapën rrugë atyre që sot tentojnë të formojnë qeverinë me pazare të llojeve të ndryshme. Me sekserë. Sepse ndryshe e kanë vështirë ta formojnë, pasi kryeideatori i rrëzimit të qeverisë tregoi se nuk di të mendojë politikisht. Dhe nga një rrugë normale, me mendësinë e konspiracionit, e solli vendin në këtë derexhe”, ka shkruar Mustafa./tesheshi.com/
