Kryeministri Mustafa ka shkruar në profilin e tij në facebook se Kosova po hyn në fazën përfundimtare të anëtarësimit në UNESCO.
“Eshtë kjo rezultat i një pune të madhe të institucioneve të Kosovës, i besimit që Kosova ka arritur ta krijojë në bashkësinë ndërkombëtare, dhe i përkrahjes së fuqishme nga miqtë tanë,” ka theksuar Mustafa.
Ai ka thënë se Kosova do t’i respektojë të gjitha standardet botërore të ruajtjes dhe kultivimit të trashëgimisë kulturore mbi bazën e Kushtetutës, të Planit Gjithëpërfshirës të Marti Ahtisarit, dhe të ekspertizës së UNESCO-s. Do të ndërtojmë edhe vlera shkencore e arsimore mbi këto baza.
Më tej ai ka shtuar se për udhëheqjen e Serbinë është koha e fundit që ata të mendojnë se si t’i bëjnë mirë vendit të tyre, e jo si t’i bëjnë keq Kosovës. “Sepse edhe shumë kohë duhet të shërohemi nga pasojat e të këqijave të tyre,” ka shkruar Mustafa në facebook. /tesheshi.com/
