Kreu i LDK-së, Isa Mustafa, në pamundësi për të bindur disa deputetë të tij për ta votuar Demarkacionin, ka ftuar ambasdorin e SHBA-së, Greg Delawie, në mbledhjen e grupit parlamentar të partisë që do mbahet nesër nga ora 11:00.
Një gjë të tillë e ka konfirmuar sekretari i kësaj partie Ismet Beqiri.
“Takimi i nesërm i grupit është për t’u informuar për zhvillimet aktuale, para mocionit që do të vijë të mërkurën në Kuvend, po ashtu sot është mbajt një takim mes ambasadorit Delawie, kryetarit të LDK-së, Isa Mustafa dhe kryetarit të Kuvendit, Kadri Veseli e për këtë dëshirojmë të informohemi nga dora e parë edhe për takimin edhe për zhvillimet aktuale pra kjo është esenca e takimit të nesërm”, ka theksuar Beqiri, për mediat.
Në njoftimin e grupit parlamentar dërguar deputetëve të saj thuhet: “Të nderuar/a, në emër të GP LDK, ju njoftoj se nesër më dt: 09.05.2017, në 11:00h, në zyre të Grupit Parlamentar, mbahet takimi i GP LDK, në takim merr pjesë Kryeministri-Isa Mustafa dhe Ambasadori Amerikan-Greg Delaëie, ardhja e obligueshme andaj luteni të më konfirmoni pjesëmarrjen”.
Mbetet të shihet nëse ambasadori britanik do ua ndryshojë medien disa deputetëve të ashtuquajtur “rebelë” të LDK-së që kanë shprehur qëndrimin e tyre kundër Demarkacionit. /tesheshi.com/
