Familja e kreut të vrarë komunës së Bogovinës në Maqedoni, Hazbi Idrizit ka vendosur që mos të kërkojë llogari nga familja e dorasit që vrau e të shtunën dhe që ma pas vrau dhe veten.
Këtë e kumtoi familjari i tyre, Idriz Zejneli pasi shprehu dhimbje për humbjen e familjarit të tyre, në një mbledhje komemorative që u mbajt sot në shkollën fillore “Abdyl Frashëri” në fshatin Bogovinë.
“Ne besojmë në Zot dhe Zoti do ta gjykon. Ai e vrau dhe pastaj u vetëvra”, shtoi Zejneli.
Në emër të administratës komunale, të pranishmive ju drejtua Nuriman Tefiku, udhëheqës i sektorit për veprimtari publike në komunën e Bogovinës, i cili me ketë rast tha se administrata dhe banorët e kësaj komune humbën prijësin dhe njeriun që u kujdes për qytetarët dhe gjitha vendbanimet e rreth e rrotull.
Fjalë rasti mbajti edhe kryetari i Komunës së Gostivarit, Nevzat Bejta dhe i Bervenicës, Enver Pajaziti.
Pas mbarimit të ceremonisë, të pranishmit shprehën kujtimet e tyre në librin e zisë. /tesheshi.com/
