Partia Socialiste do të ndjekë strategjinë e PD-së me aleatët e vegjël të saj. Të gjitha partitë e vogla aleate, përjashto LSI-në, kanë vendosur të ‘shkrirje’ logot e tyre dhe votat t’i kërkojnë vetëm për PS-në.
Po ndërsa PD-ja po i fut krerët e aleatëve në listat e saj të sigurta, PS-ja duket se u ka premtuar ndonjë funksion publik pas zgjedhjeve nëse i fiton ato.
Pas një takimi të përbashkët të krerëve të 23 partive të vogla me kryeministrin Rama, ish-socialisti Petro Koçi, i cili drejton PSV91 tha se “Duke patur parasysh që nuk janë regjistruar koalicione, atëherë ne kemi vendosur që të mbështesim kudo Partinë Socialiste, në mënyrë që ajo të sigurojë 71 mandate, ose më shumë, në zgjedhjet që bëhen në 25 Qershor; që do të thotë se çdo votë e hedhur gabimisht për subjektet të tjera, që janë të spektrit të majtë politik, dëmtojnë fitoren e së majtës socialiste në zgjedhjet në 25 Qershorit. Disa subjekte politike janë regjistruar tashmë, që do të thotë se çdo votë e hedhur për to dëmton fitoren e Partisë Socialiste, të aleates tonë kryesore, që udhëheq koalicionin në disa zgjedhje radhazi”./tesheshi.com/
