Policia e Vlorës ka gjetur një letër brenda një varke të braktisur në zonën e Zvërnecit, dhe e cila ishte e futur në një shishe, ku shkruhej: “Jam Landi. Për nënën time, Jorgjien, lekët janë të fshehura në pllakën e fundit në banjo”.
Ngjan si humor, pasi bëhet fjalë për një gjest arkaik, por dyshohet të jetë vërtet një dramë njerëzore.
Policia po heton për një rast mbytjeje nga dallgët, ndërkohë që hetimet janë përqëndruar dhe në kërkimet për shtetasin po nga Vlora, 32-vjeçarin Santo Ymeraj, pasi familjarët kanë denoncuar zhdukjen e tij po në det, pas një telefonate ku ai u kishte thënë se nuk po shihte asgjë nga dallgët dhe errësira, dhe se po mbytej. Policia po heton dhe faktin nëse dy rastet kanë lidhje me njëra-tjetrën. /tesheshi.com/
