Trajneri i skuadrës londineze Chelsea e ka vlerësuar tej mase paraqitjen e Pedros në ndeshjen debutuese ndaj WBA-së: “Ishte një debutim i ngjashëm me atë të Maradonës”, theksoi portugezi lidhur në pyetjen për ardhjen më të re të skuadrës së tij.
Kjo deklaratë e Mourinhos është bërë shkas që në rrjetet sociale të fillojnë batutat dhe karikaturat nga më të ndryshmet.
“I veçanti” gjithashtu ka shpjeguar bisedën telefonike që ka patur me futbollistin se si e kishte bindur për t’u transferuar në Stamfor Bridge. “E pyeta nëse dëshironte të largohej nga Barcelona dhe ai më tha po. Pavarësisht se ajo ishte shtëpia e tij, ai një ditë do largohej. Gjithashtu e pyeta nëse është në bisedime me ndonjë klub tjetër. Më tha se gati kishte përfunduar marrëveshjen, por gjithashtu insistova të vinte dhe të punonte me ne dhe ai në fund m’u përgjigj me po”, përfundoi Jose në konferencën pas ndeshjes ndaj WBA-së. /tesheshi.com/
