Dani Pedrosa është fituesi i garës së katërt sezonale të Moto GP-së, e njëkohësisht i garës së 3000-të së motoçiklizmit.
Një dominim i tëri spanjoll në Çmimin e Madh të Spanjës, me një treshe spanjolle të ngjitur në podium. Pas Pedrosa-s ka ardhur kampioni i botës në fuqi, Marc Marquez, të dy shokë skuadre te Repsol Honda. Pas tyre, i treti në finish ka kaluar Jorge Lorenzo, që ngjitet në podium për herë të parë që prej kalimit të tij te Ducati.
Pedrosa do ta niste në vend të parë garën, duke e mbyllur po i pari. Ka kryesuar në çdo xhiro, nga fillimi në fundi, i kërcënuar veç nga Marquez në momente të caktuara.
Për t’u harruar paraqitja e dy pilotëve të Yamaha-s, Rossi-t dhe Vinales-it. Italiani do ta kalonte finishin i dhjeti, e spanjolli i gjashti.
Pozicionimi i keq nuk e ka ndaluar gjithsesi Valentino Rossi-n ta mbajë akoma vendin e parë në renditjen botërore, me 62 pikë. Pas tij vijnë përkatësisht Vinales, Marquez e Pedrosa, përkatësisht me 60, 58 dhe 52 pikë.
Pas dy javësh, më 21 maj, do të pilotohet në Francë, në garën e pestë të këtij sezoni. /tesheshi.com/
