Ambasada ruse në Beograd ka reaguar pas Kosova shpalli “non grata” për 5 vjet shtetasen e saj Daria Asmalova, e cila akuzohet për spinuazh. Ajo u ndalua nga Policia e Kosovës në Veri, aty ku së fundi janë ndezur tensionet prej strukturave paralele serbe.
Siç pritej, ambasada e ka konsideruar një provokim këtë vendim të autoriteteve të Kosovës dhe kërkon një reagim nga instituconet ndërkombëtare si OKB, OSBE apo UNMIK.
“Ndalimi i pabazuar i Daria Aslamovës paraqet një provokim tjetër të institucioneve të përkohshme në Kosovë, shembull i shpërfilljes së plotë të Prishtinës ndaj parimeve themelore demokratike, përfshirë lirinë e mediave. Ftojmë Sekretariatin e OKB-së, UNMIK-un, Misionin e OSBE-së në Kosovë, Misionin e BE-së për zbatimin e rendit dhe ligjit dhe ekspertët e organizatave ndërkombëtare të dalin menjëherë me një vlerësim publik të ngjarjes”, thuhet në njoftimin e ambasadës ruse në kryeqytetin serb.
Raportohet se pas urdhërndalimit kosovar, Asmalova është liruar dhe ka shkuar në Serbi. /tesheshi.com/
